Համաշխարհային գագաթնաժողովի մրցանակաբաշխությունը (WSA) առաջին անգամ կազմակերպվել է 2003թ.-ին Զալցբուրգում, որպես ՄԱԿ-ի Տեղեկատվական Հասարակության Համաշխարհային Գագաթնաժողովի (WSIS) մի մաս: Այն համաշխարհային նախաձեռնություն է, որի նպատակն է ընտրել և խթանել աշխարհի լավագույն էլեկտրոնային բովանդակությունը և նորարարական ՏՀՏ ծրագրերն ու աշխատանքները: Ավելի քան 160 երկիր արդեն ներգրավված են այս համաշխարհային մրցույթում:
Հայաստանում էլ. բովանդակության ազգային մրցույթը իրականցվում է Ձեռնարկությունների Ինկուբատոր Հիմնադրամի կողմից: Մրցույթի նպատակն է` բացահայտել Հայաստանի էլ. բովանդակության ոլորտում զարգացումներն ու նվաճումները և հնարավորություն ընձեռել ներկայացնել դրանք միջազգային հանրությանը:
Մրցույթի արդյունքում հաղթող են ճանաչվում յուրաքանչյուր անվանակարգում բացարձակ ցուցանիշներով (ամենաբարձր միավորներ հավաքած) լավագույն աշխատանքները: Հաղթողները ստանում են միջազգային մրցույթին (WSA) մասնակցելու ուղեգրեր, որի մրցանակաբաշխությունը տեղի կունենա Շրի Լանկայում:
էլ. բովանդակության ազգային մրցույթից հետո, մասնակից երկրների փորձագետներից, կազմված միջազգային ժյուրին Տալլինում (Էստոնիա) կգնահատի աշխարհի տարբեր երկրներից ներկայացված աշխատանքները և կընտրի դրանցից լավագույն 40-ը: Մրցույթի յուրաքանչյուր անվանակարգի համար կընտրվի 5 աշխատանք: Այդ աշխատանքների ներկայացուցիչները հոկտեմբերի 23-25, 2013թ. կհրավիրվեն Շրի Լանկա՝ մասնակցելու Համաշխարհային գագաթնաժողովի մրցանակաբաշխությանը (WSA) համաշխարհային կոնգրեսում և պայքարելու գլխավոր մրցանակի համար:
Մրցույթին մասնակցել ցանկացողները կարող են գրանցել իրենց հայտերը հետևյալ հղումով՝
Գրանցման վերջնաժամկետն է հունիսի 17-ը:
Ժյուրիի աշխատանքները
Ժյուրիի կազմն ընտրվում է մրցանակաբաշխության աշխատանքներին մասնակցող փորձագետների խմբից, ինչպես նաև տեղեկատվական տեխնոլոգիաների ոլորտի առավել փորձառու մասնագետներից, Հայաստանում գործող մի շարք միջազգային կազմակերպությունների և պետական կառույցների ու բիզնեսի ոլորտի ներկայացուցիչներից:
Մրցույթի մասին 
