Ընթացիկ Նորություններ

Ֆակուլտետային հետազոտական մրցանակաբաշխություն

 

ՀՀ ֊ում գործող համալսարանները և հետազոտական ինստիտուտները հրավիրվում են մասնակցելու Ֆակուլտետային հետազոտական մրցանակաբաշխությանը:

 

Ձեռնարկությունների Ինկուբատոր Հիմնադրամը PMI Science -ի աջակցությամբ հայտարարում է Ֆակուլտետային հետազոտական մրցանակաբաշխությունն աջակցելու համար համալսարաններում և հետազոտական ինստիտուտներում առկա հետազոտական թիմերին: Հետազոտական թիմերը (կազմված 2-5 անդամներից), որոնք իրականացնում են արդի հետազոտական և գիտական նախագծեր կարող են ներկայացնել դիմում-հայտ ստանալու համար հետազոտական նախագծերի զարգացման ուղղված ֆինանսական աջակցություն հետևյալ ոլորտներում՝

• Կիրառական մաթեմատիկա,
• Կիրառական ֆիզիկա,
• Էլեկտրոնիկա, Էլեկտրատեխնիկա, Էլեկտրոնային կառավարման համակարգեր,
• Տվյալների հավաքագրում, Տվյալների կառավարում,
  • Սիմուլացիա և մոդելավորում, բազմաֆունկցիոնալ մոդելավորում, ալգորիթմներ,
  • Չափման տեխնոլոգիաներ, տվիչներ,
  • Վերլուծական քիմիա,
  • Կենսաբժշկություն, թունաբանություն
  • Նյութագիտություն
  • Աերոզոլային գիտություն
  • Առարկաների ինտերնետ (IoT). 

 

Ֆակուլտետային հետազոտական մրցանակաբաշխության արդյունքում համալսարանները և հետազոտական ինստիտուտները ներկայացնող թվով 7 գիտահետազոտական թիմեր կստանան դրամական պարգևներ 7500 ԱՄՆ դոլարի չափով:

Ֆակուլտետային հետազոտական մրցանակաբաշխության մասնակցության դիմում- հայտը և ինքնակենսագրականները պետք է ներկայացնել՝ լրացնելով հետևյալ առցանց հայտադիմումն  անգլերեն լեզվով, ինչպես նաև ուղարկել փաթեթը հետևյալ էլեկտրոնային հասցեին՝ [email protected]  մինչև սույն թվականի դեկտեմբերի 24-ը ներառյալ:

 

Ընտրությունը կատարվելու է տեղական և միջազգային փորձագետներից ձևավորված ժյուրիի կողմից: Հայտերը գնահատվելու են ըստ առաջադրված խնդրի բարդության, հետազոտության արդիականության և կիրառելիության ոլորտի, փորձարարական լուծումների և տեսական մասի համադրման մակարդակի, միջազգային հրապարակումներ և հղումների առկայության:

Վերադարձ