ՀԱՅՏԱՐԱՐՈՒԹՅՈՒՆ (թարմացված)
Ինժեներական քաղաքի գլխավոր մուտքին հարող հարթակի և կայանատեղիի երկրորդ հարկում նախատեսվող այգու նախագծային գաղափարների մրցույթի
«Ձեռնարկությունների ինկուբատոր» հիմնադրամը հայտարարում է Ինժեներական քաղաքի գլխավոր մուտքին հարող հարթակի և Ինժեներական քաղաքում կառուցվելիք կայանատեղիի երկրորդ հարկի այգու գաղափարների մրցույթ:
Մրցույթի նպատակն է հավաքագրել Ինժեներական քաղաքի գլխավոր մուտքին հարող հարթակի (այսուհետ՝ հարթակ) ճարտարապետական լուծումների և կայանատեղիի երկրորդ հարկում նախատեսվող այգու (այսուհետ՝ այգի) հետաքրքիր ու նորարարական նախագծային գաղափարներ ու մոտեցումներ:
Մասնակցության պայմանները
Մրցույթին կարող են մասնակցել ֆիզիկական անձինք՝ ուսանողներ, անհատ ճարտարապետներ և խմբեր, ինչպես նաև իրավաբանական անձինք` ճարտարապետական նախագծման կազմակերպություններ:
Մրցույթն անցկացվում է մեկ փուլով: Հայտերի ընդունման ժամկետի ավարտից հետո հանձնաժողովը գնահատելու է նախագծերը, որի արդյունքներով մրցանակը շնորհվելու է առավելագույն միավորներ հավաքած մասնակցին:
Մրցութային հանձնաժողովի կազմում կներգրավվեն Տեղեկատվական և Բարձր տեխնոլոգիաների ոլորտի ներկայացուցիչներ (առնվազն՝ 2 ներկայացուցիչ) և ճարտարապետներ (առնվազն՝ 3 ներկայացուցիչ):
Նշում՝ Հանձնաժողովի կազմում ընդգրկված ճարտարապետները և/կամ նրանց հետ փոխկապակցված անձինք, թիմերն ու կազմակերպությունները չեն կարող մասնակցել մրցույթին։
Մրցույթի հիմնադրույթները
Հարթակը և այգին տեղակայվելու են Մոլդովական փողոցի և Գառնիի ճանապարհի միջև /Բագրևանդի փողոց/ կառուցվող Ինժեներական քաղաքի և դրան հարակից տարածքում: Ընդ որում՝ հարթակը զբաղեցնելու է 1300 քմ մակերեսով տարածք, իսկ այգին զբաղեցնելու է 3920 քմ մակերեսով տարածք։
Հայեցակարգային նախագծերը պետք է համահունչ լինեն Ինժեներական քաղաքի Գլխավոր հատակագծի ամբողջական գաղափարի հետ։
Մասնակցության հայտ
Մրցութային նախագծերը անհրաժեշտ է ներկայացնել մինչև 2021թ-ի հուլիսի 22-ը՝
- Փակ ծրարով՝ ՁԻՀ գրասենյակ - Ինժեներական քաղաք, Բագրևանդ 21/1 հասցեով,
կամ
Նախագծերի էլեկտրոնային ֆայլերը կարող են ներկայացվել էլեկտրոնային կրիչով (ծրարով ներկայացնելու դեպքում), որպես էլ․ նամակի կցորդ կամ ամպային հարթակի հղումով՝ առավելագույնը 28 MB ծավալով՝ PDF ձևաչափով, ինչպես նաև առավելագույնը 2 MB ծավալով՝ JPG ձևաչափով՝ էլեկտրոնային կրիչով:
Ցուցահանդեսային ձևաչափով մրցութային հանձնաժողովին և Ինժեներական քաղաքի գործընկերներին ու շահառուներին ներկայացնելու նպատակով ՝
- Հայաստանյան մասնակիցները պետք է ներկայացնեն նաև յուրաքանչյուր գոտու համար 800 մմ * 1000 մմ չափսի տպագրված, երկու առանձին գծատախտակների վրա ամրացված նախագծերի օրինակները:
- Արտասահմանյան մասնակիցների աշխատանքների տպագրությունը կիրականացնի մրցույթի կազմակերպիչը:
Նախագծերի հետ միասին /ծրարում կամ էլեկտրոնային նամակով/ անհրաժեշտ է ներկայացնել նաև նախագծերի հեղինակի, հեղինակների և այն բոլոր անձանց անունները, ովքեր մասնակցել են մրցութային նախագծերի մշակման աշխատանքներին և հավակնում են մրցանակի մասնաբաժնի։
Եթե մրցույթին ներկայացված նախագծերն ունեն մեկից ավելի հեղինակ, ապա անվան դիմաց պետք է նշել մասնաբաժինները՝ ընդհանուր գումարից տոկոսներով։
Մրցանակ
Մրցույթում հաղթող՝ հարթակի և այգու հայեցակարգային նախագծերի համար նախատեսված է մեկ մրցանակային տեղ։ Մրցանակը՝ 500.000 ՀՀ դրամ է (ներառյալ՝ հարկերը, տուրքերը և այլ պարտադիր վճարները):
Նշում՝ Մրցույթում հաղթող նախագծերը համարվելու են ՁԻՀ սեփականությունը, և հիմնադրամը կարող է դրանք մասնակի կամ ամբողջությամբ օգտագործել նշված գոտիների հետագա նախագծման և կառուցապատման աշխատանքների նպատակով՝ առանց նախագծման աշխատանքներում մրցույթի հաղթողին ներգրավելու: Անկախ մրցույթի արդյունքներից՝ կազմակերպիչները իրավունք ունեն վերջնական նախագծային փաթեթը պատվիրել ինչպես սույն մրցույթի մասնակից, այնպես էլ ոչ մասնակից ճարտարապետական խմբերին, անհատներին կամ կազմակերպություններին:
Լրացուցիչ հարցերի դեպքում կարող եք դիմել՝
Հեռ.՝ +374 11 219797; Էլ. փոստ՝ [email protected]
Մրցույթին ներկայացված նախագծային գաղափարները և դրանց հեղինակները ներկայացված են ստորև՝
«Կետ Արքիթեքթ» ՓԲԸ /մրցույթի հաղթող/
Գարեգի Եղոյան և Մարատ Մեժլումյան
«Մետալ բիլդինգ» ՍՊԸ
Մեսրոպ Անդրիասյան
Վահագն Գյոդակյան
Տիգրան Հովհաննիսյան
Վերադարձ
ԻՔ նախագծային գաղափարների մրցույթ 
