22.12.2014
«Նորարարական լուծումների և տեխնոլոգիաների կենտրոնի համար դասընթացների կազմակերպում» խորհրդատվական ընկերության ընտրության մրցույթ
ՀՀ ֆինանսների նախարարության «Արտասահմանյան ֆինանսական ծրագրերի կառավարման կենտրոն» պետական հիմնարկը հայտնում է, որ Համաշխարհային բանկի «Էլ. հասարակության և մրցունակության համար նորարարության» վարկային ծրագրի շրջանակում «Նորարարարական լուծումների և տեխնոլոգիաների կենտրոնի համար դասընթացների կազմակերպում» /ՆԼՏԿ/ առաջադրանքը իրականացնելու նպատակով հայտարարվում է խորհրդատվական ընկերության ընտրության մրցույթ:
Այս առաջադրանքի նպատակն է աջակցել ՆԼՏԿ-ի աշխատակազմին կենտրոնի ծրագրերի ներքո դասընթացների իրականացման հարցում: Խորհրդատուն աջակցություն կտրամադրի հետևյալ ուղղություններով.
- Պատրաստել ՆԼՏԿ-ի դասընթացների տարեկան ծրագիր՝ որոշված գերակայությունների հիման վրա
- Իրականացնել դասընթացների ծրագրի եռամսյակային մոնիտորինգ՝ անհրաժեշտության դեպքում փոփոխություններ կատարելու նպատակով
- Մշակել և իրականացնել առաջխաղացման/իրազեկման աշխատանքներ, պատրաստել և տարածել հայտարարություններ, հավաքագրել մասնակցության դիմումներ և կազմել դասընթացների մասնակիցների խմբեր
- Հավաքագրել ու վարձել դասախոսներ ՆԼՏԿ-ում կազմակերպվող դասընթացների անցկացման համար
- Համապատասխանել/փոփոխել ումնական ծրագրերը, նյութերը և ուսանողների գնահատման մոդելները՝ ընտրված դասախոսների հետ համատեղ
- Որոշել դասընթացների անցկացման վայրը, համակարգել և մշտադիտարկել դասըթացների իրականացման ողջ գործընթացը
- Մշակել դասընթացների գնահատման մեթոդաբանություն, ներառյալ գնահատման թերթիկները, վերլուծել հավաքագրված տվյալները և, անհրաժեշտության դեպքում, ներկայացնել բարելավման/փոփոխման առաջարկություններ
- Մշակել և լրացնել դասընթացների մասնակիների շտեմարանները
- Արդյունավետ հաղորդակցություն պահպանել Ծրագրի հիմնական մասնակիցների և գործընկերների հետ
- Ակտիվ կերպով համագործակցել այլ ուսումնական նախաձեռնությունների հետ
- 2000 դասաժամ ընդհանուր տևողությամբ դասընթացների կազմակերպում հետևյալ ուղղություններով՝ Հիմնական ծրագրավորման կուրսի և IBM կուրսի մեջ մտնող դասընթացներ:
Ծառայությունները նախատեսվում է իրականացնել 2015թ. մարտից 12 ամսվա ընթացքում` երկարացման հնարավորությամբ.
Խորհրդատուն պետք է բավարարի հետևյալ որակավորման չափանիշներին`
- Իրավաբանորեն գրանցված ընկերություն
- Ուսումնական ծրագրերի և բովանդակության մշակման/իրականացման և դասընթացների արդյունավետության գնահատման առնվազն 3 տարվա փորձ /ցանկալի է ՏՀՏ ոլորտում/
- Դասընթացների կազմակերպման ինստիտուցիոնալ և մարդկային կարողություններ:
Վերը շարադրված պահանջներին համապատասխանող խորհրդատվական ընկերությունները կարող են մինչև 2015թ. հունվարի 16-ը ներկայացնել հետաքրքրվածության հայտեր անհրաժեշտ տեղեկություններով (ընկերության վերաբերյալ համառոտ տեղեկատվություն` ընդհանուր աշխատանքային փորձի, այդ թվում վերջին տարիներին նմանատիպ հանձնարարականների իրականացման փորձի, վերը նշված պահանջներին բավարարող անձնակազմի առկայության վերաբերյալ, աշխատակազմի կենսագրական թերթիկները և այլն) ստորև նշված հասցեով:
Հետաքրքրվածության հայտերը կարող են ներկայացվել նաև էլեկտրոնային փոստով:
ՀՀ Ֆինանսների նախարարության «Արտասահմանյան ֆինանսական ծրագրերի կառավարման կենտրոն» պետական հիմնարկի գործադիր տնօրեն` Էդգար Ավետյանին
Երևան 0010, Տիգրան Մեծի պողոտա 4, 3-րդ հարկ
Հեռախոս. (037411) 910 581, 910 590
Էլ. փոստ. [email protected]
Վերադարձ
Խորհրդատվական ընկերության ընտրության մրցույթ 
