Ընթացիկ Նորություններ

12.06.2014

Հայտարարություն

Էլ.հասարակության և մրցունակության համար նորարարության ծրագիր

No: 7963-AM

ՀՀ ֆինանսների նախարարության “Արտասահմանյան ֆինանսական ծրագրերի կառավարման կենտրոն” պետական հիմնարկը հայտնում է, որ Համաշխարհային բանկի “Էլ.հասարակության և մրցունակության համար նորարարության” վարկային ծրագրի շրջանակում “Մոբայլ լուծումների տարածաշրջանային լաբորատորիայի (mLab) ղեկավար (մենեջեր)” հանձնարարականի իրականացման համար խորհրդատու ընտրելու նպատակով հայտարարվում է անհատ խորհրդատուի ընտրության մրցույթ:

Այս հանձնարարականի հիմնական նպատակն է` ապահովել Մոբայլ լուծումների տարածաշրջանային լաբորատորիայի ղեկավարումը  և գործունեության համակարգումը, ներառյալ դասընթացները, տեխնիկական և ադմինիստրատիվ գործունեությունը:

Խորհրդատուն պետք է իրականացնի հետևյալ առաջադրանքները`

• Բարելավել mLab-ի ինքնաֆինանսավորման բիզնես մոդելը և նպատակները  սահմանող նախնական Բիզնես Պլանը,
• Սահմանել և ապահովել անրհաժեշտ հասույթ/ֆինանսավորում mLab-ի Բիզնես Պլանի իրականացման` ֆիանասական և առաջխաղացման նպատակների իրագործման համար,
• Վերահսկել mLab-ի գործունեությունը ըստ Բիզնես Պլանի` ապահովելով ռազմավարական և ֆինանսական նպաատկների իրականացում,
• Կառուցել և ղեկավարել ռազմավարական հարաբերությունները տեխնոլոգիական և գիտական  համայնքների և պետական մարմինների գործընկերների միջև,
• Հաստատել անհրաժեշտ հարաբերություններ գործընկերների հետ Հայաստանում, Արևելյան և Կենտրոնական Եվրոպայում,
• Ապահովել mLab-ի պատշաճ ներկայացումը և ծառայությունների  շուկա դուրս բերումը,
• Ղեկավարել mLab-ի գործունեությունը, ներառյալ կենտրոնի անձնակազմի/խորհրդատուների ընտրություն, ֆինանսական և գործառնական համակարգում և վերահսկողություն,
• Ղեկավարել mLab-ի կողմից մոբայլ ոլորտի գործարարներին մատուցվող ծառայությունների ընթացակարգերը, ներառյալ հնարավոր շահառու թիմերի/ընկերությունների ընտրությունը, ինչպես նաև աջակցություն տրամադրել ձեռնարկատերերին բիզնես և տեխնիկական խնդիրների լուծման հարցում,
• Գնահատել մոբայլ ոլորտի գործարարների և mLab ECA-ի այլ շահառուների կարիքները` տրամադրված ծառայությունների նպատակահարմարությունը ապահովելու համար:   
• Մշակել մոբայլ լուծումների ոլորտի զարգացման և ծրագրավորողների համայնքի մեծացման նպատակով կրթական հաստատությունների հետ համագործակցության ռազմավարություն,
• Ստեղծել արդյունավետ և համագործակցային աշխատանքային միջավայր` արդյունավետ կառավարման և mLab-ի աշխատակիցների և հաճախորդների կողմից բարձրացված խնդիրների պատրաստակամ կեպրով լուծման միջոցով  և այլն:

Ծառայությունները նախատեսվում է իրականացնել 2014թ. օգոստոսից` մեկ տարվա ընթացքում` հետագա երակարացման հնարավորությամբ:

Խորհրդատուն պետք է բավարարի հետևյալ որակավորման չափանիշներին և պետք է լինի/ունենա`

• Բարձրագույն կրթություն ճարտարագիտության և/կամ բիզնեսի կառավարման բնագավառում,
• Բիզնեսի զարգացման և ռազմավարության մշակման զգալի փորձ (ավելի քան 3 տարի) խոշոր ՏՏ/ԲՏ ընկերություններում և/կամ բիզնեսի զարգացմանն ուղղված ծրագրերի կառավարման հարուստ փորձ (ավելի քան 5 տարի) Հայաստանում գործող միջազգային կազմակերպություններում,
• Տեխնոլոգիական սկսնակ ընկերություններին բիզնեսի զարգացման ու կառավարման տարբեր հայեցակետերում աջակցություն ցուցաբերելու հարուստ փորձ,
• Հայաստանի ՏՀՏ ոլորտի և ոլորտի զարգացման տեղական ու համաշխարհային ներկայիս միտումների գերազանց իմացություն,
• Մոբայլ տեխնոլոգիաների իմացություն,
• Վերլուծական, կառավարման և բանակցային գերազանց հմտություններ,
• Թիմային աշխատանքը կազմակերպելու և կառավարելու ունակություն,
• Հաղորդակցման և ներկայացման գերազանց հմտություններ,
• Հայերենի, անգլերենի և ռուսերենի գերազանց իմացություն:

Վերը շարադրված պահանջներին համապատասխանող անհատ խորհրդատուները կարող են մինչև սույն թվականի հունիսի 25-ը ներկայացնել հետաքրքրվածության գրություն և կենսագրական թերթիկ ստորև նշված հասցեով:

Հետաքրքրվածության հայտերը կարող են ներկայացվել նաև էլեկտրոնային փոստով:

ՀՀ Ֆինանսների նախարարության

"Արտասահմանյան ֆինանսական ծրագրերի կառավարման կենտրոն" պետական հիմնարկի գործադիր տնօրեն` Է. Ավետյանին

Երևան 0010, Հանրապետության հրապարակ, Կառավարության տուն 1

Հեռախոս. (037460) 700-343, 700-390

Ֆաքս. (037410)  545-708

Էլ. փոստ` [email protected]