Ընթացիկ Նորություններ

Տեխնոլոգիական ոլորտի թիմերը ներկայացրել են նորարար գաղափարները

29.05.2015

Համաֆինանսավորվող դրամաշնորհային մրցույթում հաղթելու համար տեխնոլոգիական ոլորտի թիմերն ու ընկերությունները ներկայացրել են իրենց ամենանորարար գաղափարները

 

Մայիսի 25-ին` Գյումրիում, իսկ մայիսի 27-ին` Երևանում տեղի է ունեցել համապատասխանաբար Գյումրու և Վանաձորի ու Երևանի համաֆինանսավորվող դրամաշնորհային մրցույթի ամփոփիչ փուլը, որի ընթացքում գնահատող հանձնաժողովներին իրենց ներդրումային ծրագրերն են ներկայացրել մրցույթի մասնակցության հայտ ներկայացրած տեխնոլոգիական ոլորտի 28 ընկերություներ և թիմեր Վանաձորից և Գյումրիից ու 23 ընկերություններ և թիմեր Երևանից: Դրամաշնորհային մրցույթի հաղթող են ճանաչվել.  

 

Գյումրու համաֆինանսավորվող դրամաշնորհներ 

• «Արատտա»- Աղասի Գյուրջողլյան
• «BooksPlus»- Անահիտ Մանուկյան
• «Localz»- Արտավազդ Սոխիկյան 
• «4car»- Լևոն Եղյան
• «RenderForest»- Նարեկ Սաֆարյան
• «Հերթերի կառավարման առցանց համակարգ»- Գևորգ Սաֆարյան 

Վանաձորի համաֆինանսավորվող դրամաշնորհներ
«Easy Lunch»- Հայկ Ֆալակյան 

Նորարարության զարգացման համաֆինանսավորվող դրամաշնորհներ  

• «Eye Care Plus»- Պավել Սնխչյան
• «Nutleh»- Աշոտ Մաշուրյան
• «Truthly»- Հրաչյա Մանուկյան
• «Triip»- Գրիգոր Մաթևոսյան
• «GiftsApp»- Ալեքսանդր Մարդոյան 
• «News Deeply»- Լառա Սեդրակյան

ՀՀ էկոնոմիկայի նախարարության նախաձեռնությամբ անցկացվող մրցույթը կազմակերպվում է Ձեռնարկությունների ինկուբատոր հինադրամի կողմից` ՀՀ էկոնոմիկայի նախարարության և Համաշխարհային բանկի աջակցությամբ՝ «Էլեկտրոնային հասարակության և մրցունակության համար նորարարության զարգացման» ծրագրի շրջանակում: Համաֆինանսավորվող դրամաշնորհային մրցույթի նպատակն է աջակցել ՏՀՏ և բարձր տեխնոլոգիաների ոլորտներում գործող ընկերություններին և թիմերին՝ մշակելու նոր ապրանքներ և ծառայություններ, ինչպես նաև ներդնելու ՏՀՏ և բարձր տեխնոլոգիաները տարբեր գործընթացների ադապտացման, բարելավման և/կամ զարգացման համար: Դրամաշնորհային գումարը յուրաքանչյուր նախաձեռնության համար կազմում է նվազագույնը 10000 ԱՄՆ դոլար, իսկ առավելագույնը՝ 50000 ԱՄՆ դոլար։ Ներկայացվող ծրագրի առավելագույն տևողությունը 1 տարի է: Գյումրու և Վանաձորի դրամաշնորհների համար համաֆինանսավորվող գումարը պետք է կազմի 15%, իսկ Երևանի դրամաշնորհների համար` 50%:

Վերադարձ