Ընթացիկ Նորություններ

IBM ISTC- ի բիզնեսի զարգացման խորհրդատու

02.06.2014

Հայտարարություն

 

Էլ.հասարակության և մրցունակության համար նորարարության ծրագիր

No: 7963-AM

 

ՀՀ ֆինանսների նախարարության “Արտասահմանյան ֆինանսական ծրագրերի կառավարման կենտրոն” պետական հիմնարկը հայտնում է, որ Համաշխարհային բանկի “Էլ.հասարակության և մրցունակության համար նորարարության” վարկային ծրագրի շրջանակում “IBM Նորարարական լուծումների և տեխնոլոգիաների կենտրոնի /ISTC/ բիզնեսի զարգացման խորհրդատու” հանձնարարականի իրականացման համար խորհրդատու ընտրելու նպատակով հայտարարվում է անհատ խորհրդատուի ընտրության մրցույթ:

 

CIST /Center for Innovative Solutions and Technologies/ կենտրոնի բիզնեսի զարգացման խորհրդատուն կմշակի բիզնես գործունեության հնարավորություններ կենտրոնի գործունեության համար, կպլանավորի, կիրականացնի և կգնահատի կենտրոնի կողմից իրականացվող բիզնեսի զարգացմանն ուղղված գործունեությունը:

 

Խորհրդատուն պետք է իրականացնի հետևյալ առաջադրանքները`

• բացահայտի ՏՀՏ ոլորտում բիզնեսի զարգացման միտումները նոր ապրանքների, ծառայությունների մշակման ու բաշխիչ ուղիների տեսանկյունից,
• բացահայտի տեխնոլոգիական լուծումների գիտահետազոտական մշակում-ների հավանական ոլորտները,
• հաստատի հարաբերությունների կենտրոնի հնարավոր բիզնես գործընկերների հետ,
• զբաղվի CIST կենտրոնի կողմից մշակված տեխնոլոգիական լուծումների գովազդման և վաճառքի խթանման աշխատանքներով,
• պլանավորի և համակարգի CIST կենտրոնի ուսանողների շրջանում անցկացվող բիզնես գաղափարների մրցույթները,
• աջակցի տեխնոլոգիական լուծումներ մշակող և պետական ու մասնավոր հատվածներում դրանց ներդրումն իրականացնող թիմերի ձևավորմանը,
• CIST կենտրոնի սկսնակ թիմերին տրամադրի բիզնեսի խորհրդատվական ծառայություններ և մենթորային գործունեություն,
• հետևի սկսնակ թիմերի աշխատանքին,
• օգնի սկսնակ թիմերին ընկերության հիմնդրման գործընթացում,
• ստանձնի CIST կենտրոնի ղեկավարի և ՁԻՀ-ի կողմից հանձնարարվող այլ պարտականություններ ու պատասխանատվություններ:

 

Ծառայությունները նախատեսվում է իրականացնել 2014թ. օգոստոսից` մեկ տարվա ընթացքում` հետագա երակարացման հնարավորությամբ:

 

Խորհրդատուն պետք է բավարարի հետևյալ որակավորման չափանիշներին և պետք է լինի/ունենա`

• Բարձրագույն կրթություն ՏՏ-ին անռչվող և/կամ բիզնեսի կառավարման բնագավառում,
• ՏՏ/ԲՏ ընկերություններում բիզնեսի զարգացման առնվազն 3 տարվա աշխատանքային փորձ և/կամ բիզնեսի զարգացմանն ուղղված ծրագրերի կառավարման զգալի փորձ (ավելի քան 5 տարի) Հայաստանում գործող միջազգային կազմակերպություններում,
• Աշխատանքային փորձի առկայություն տեխնոլոգիական սկսնակ ընկերություններին բիզնեսի զարգացման ու կառավարման տարբեր հայեցակետերում աջակցություն ցուցաբերելու գործում,
• Հայաստանի ՏՀՏ ոլորտի և ոլորտի զարգացման տեղական ու համաշխարհային ներկայիս միտումների գերազանց իմացություն,
• IBM տեխնոլոգիաների իմացություն,
• Վերլուծական, կառավարման և բանակցային գերազանց հմտություններ,
• Թիմային աշխատանքում ներգրավվելու կարողություն,
• Հաղորդակցման և ներկայացման գերազանց հմտություններ,
• Հայերեն, անգլերեն և ռուսերեն գրավոր և բանավոր խոսքի գերազանց իմացություն,
• MS Office (Excel, Word, PowerPoint, Outlook) ծրագրի խորը իմացություն:

Վերը շարադրված պահանջներին համապատասխանող անհատ խորհրդատուները կարող են մինչև սույն թվականի հունիսի 13-ը ներկայացնել հետաքրքրվածության գրություն և կենսագրական թերթիկ ստորև նշված հասցեով:

 

Հետաքրքրվածության հայտերը կարող են ներկայացվել նաև էլեկտրոնային փոստով:

 

ՀՀ Ֆինանսների նախարարության

“Արտասահմանյան ֆինանսական ծրագրերի կառավարման կենտրոն”

պետական հիմնարկի գործադիր տնօրեն` Է. Ավետյանին

Երևան 0010, Հանրապետության հրապարակ, Կառավարության տուն 1

Հեռախոս. (0374 60) 700 390

Ֆաքս. (037410)  545-708

Էլ. փոստ. [email protected]

Վերադարձ