|
|
ԳՏԿ գործառնական հարցերի պատասխանատու
ԱՇԽԱՏԱՆՔԻ ՀԱՅՏԱՐԱՐՈՒԹՅՈՒՆ
«Ձեռնարկությունների ինկուբատոր» հիմնադրամը փնտրում է Գյումրու տեխնոլոգիական կենտրոնի (ԳՏԿ) գրասենյակային տարածքների և միջոցառումների տեխնիկական սպասարկման գործընթացները կազմակերպման և համակարգման Գործառնական հարցերի պատասխանատու։
Հիմնական գործառույթներն են՝
- ԳՏԿ գրավիչ միջավայրի և բնականոն գործունեության համար անհրաժեշտ սպասարկման /այդ թվում՝ արտապատվիրված/ ծառայությունների մատուցման գործընթացի կազմակերպում և համակարգում,
- ԳՏԿ կողմից և/կամ ԳՏԿ-ում դասընթացների, աշխատաժողովների, քննարկումների, կլոր սեղանների, հանդիսավոր և բազմաբնույթ և բազմաֆորմատ այլ միջոցառումների պատշաճ անցկացման համար անհրաժեշտ տեխնիկական սպասարկման կազմակերպում և/կամ համակարգում՝ համապատասխան ռեսուրսների, ԳՏԿ-ի /շինության, բակային և հարակից տարածքների/ մաքրության հետ կապված առկա կենցաղային խնդիրների բացահայտում և արագ լուծումների ապահովում, աշխատակազմից և շահառուներից/վարձակալներից առկա խնդիրների, բացթողումների և/կամ բարելավմանն ուղղված տեղեկատվության պարբերական հավաքագրում և դրանց շտկման ուղղությամբ միջոցների ձեռնարկում,
- ԳՏԿ-ի կոկիկ և սանիտարահիգիենիկ իրավիճակի պատշաճ մակարդակի պահպանման համար կարիքների գնահատում, իրականացվող աշխատանքների ճիշտ ուղղորդում և աշխատանքի բաժանում,
- Գործառնական թիմի, այն է՝ գրասենյակային/տնտեսական պատասխանատուի, ցանցային ադմինիստրատորի, մաքրուհիների և այլ տեխնիկական/սպասարկող անձնակազմի, ինչպես նաև արտապատվիրմամբ հարակից ծառայություններ մատուցող կազմակերպությունների կատարած աշխատանքների ընթացքի մշտադիտարկում և վերահսկում։
Եթե դուք ունեք՝
- համանման գործունեության փորձառություն և տեխնիկական/սպասարկող անձնակազմի աշխատանքը կազմակերպելու առաջնորդական կարողություն,
- բարձր կազմակերպվածություն, պատասխանատվություն և ճշտապահություն,
- միջավայրի բարելավման և թիմային աշխատանքի պատրաստակամություն,
և, վերջապես, երիտասարդ եք և ակտիվ, ապա մենք հենց Ձեզ ենք փնտրում։
Համակարգչային տարրական գիտելիքները /առնվազն՝ MS Word, MS Excel/ և օտար լեզուների /անգլերեն, ռուսերեն/ իմացությունը կդիտարկվեն որպես առավելություն։
Եթե հետաքրքրեց, ապա մինչև 2023թ-ի մարտի 20-ը ուղարկեք Ձեր ինքնակենսագրականը (CV) և ուղեկցող մոտիվացիոն նամակը [email protected] էլեկտրոնային փոստին՝ վերնագրում նշել «ԳՏԿ գործառնական հարցերի պատասխանատու»:
Վերադարձ
|
|
