24.03.2014
Հայտարարություն
Էլ.հասարակության և մրցունակության համար նորարարության ծրագիր
No: 7963-AM
ՀՀ ֆինանսների նախարարության “Արտասահմանյան ֆինանսական ծրագրերի կառավարման կենտրոն” պետական հիմնարկը հայտնում է, որ Համաշխարհային բանկի “Էլ.հասարակության և մրցունակության համար նորարարության” վարկային ծրագրի շրջանակում “Գյումրու տեխնոլոգիական կենտրոնի /ԳՏԿ/ բիզնեսի զարգացման խորհրդատու” հանձնարարականի իրականացման համար խորհրդատու ընտրելու նպատակով հայտարարվում է անհատ խորհրդատուի ընտրության մրցույթ:
Այս հանձնարարականի հիմնական նպատակն է ապահովել ԳՏԿ-ի կողմից առաջարկվող բիզնեսի զարգացման ծառայությունների բարձր արդյունավետությունը` աջակցելու տեղական ընկերություններին ու ձեռնարկատերերին կենտրոնի կողմից տեխնոլոգիական օժանդակման, ինկուբացիայի և բիզնեսի զարգացման ծառայություններին մատուցմանը և Գյումրիում սկսնակ ընկերությունների էկոհամակարգի ստեղծմանն աջակցելու համար:
Խորհրդատուն պետք է իրականացնի հետևյալ առաջադրանքները`
- օժանդակում սկսնակ տեխնոլոգիական թիմերի ձևավորմանը ԳՏԿ-ի դասընթացների մասնակիցներից ու այլ մասնագետներից,
- ՏՀՏ և/կամ ճարտարագիտական լուծումների բացահայտում, որոնք կարող են կիրառվել Շիրակի մարզի տարբեր ոլորտներում,
- բիզնեսի զարգացման (ներառյալ կառավարման, մարքեթինգի, ներդրումների ներգրավման և այլ թեմաներով) խորհրդատվության և մենթորային ծառայությունների տրամադրում ձեռնարկատերերին ու սկսնակ թիմերին,
- մենթորային ծառայությունների տրամադրում ԳՏԿ-ի սկսնակ թիմերին ու նորաստեղծ ընկերություններին,
- բանակցությունների վարում արտասահմանյան և երևանյան ընկերությունների հետ Գյումրիում մասնաճյուղեր բացելու վերաբերյալ,
- աջակցություն ԳՏԿ-ի ղեկավարին դրամական միջոցների հավաքագրման գործում,
- ԳՏԿ-ի ղեկավարի և ՁԻՀ-ի տնօրենի կողմից հանձնարարվող այլ պարտականություններ ու պատասխանատվությունների ստանձնում:
Ծառայությունները նախատեսվում է իրականացնել 2014թ. մայիսից` մեկ տարվա ընթացքում` հետագա երակարացման հնարավորությամբ:
Խորհրդատուն պետք է բավարարի հետևյալ որակավորման չափանիշներին և պետք է լինի/ունենա`
- Մագիստրոսական կամ ավելի բարձր աստիճանի կրթություն,
- Առնվազն 5 տարվա աշխատանքային փորձ բիզնեսի կառավարման կամ խորհրդատվության ոլորտում,
- Հայաստանի ՏՀՏ և ԲՏ ոլորտների իմացություն,
- Ծրագրերի և թիմի աշխատանքի կառավարման աշխատանքային փորձ,
- Ներկայացման և բանակցային գերազանց հմտություններ,
- Աշխատանքային փորձ երիտասարդների, ՏՏ ոլորտի ՓՄՁ-ների, սկսնակ ընկերությունների և կառավարության ներկայացուցիչների հետ,
- Հայերենի, ռուսերենի և անգլերենի գերազանց իմացություն,
- Հաղորդակցման գերազանց հմտություններ, թիմային աշխատանքում ներգրավվելու կարողություն,
- MS Office ծրագրի (Excel, Word, PowerPoint, Outlook) խորը իմացություն:
Վերը շարադրված պահանջներին համապատասխանող անհատ խորհրդատուները կարող են մինչև սույն թվականի ապրիլի 4-ը ներկայացնել հետաքրքրվածության գրություն և կենսագրական թերթիկ ստորև նշված հասցեով:
Հետաքրքրվածության հայտերը կարող են ներկայացվել նաև էլեկտրոնային փոստով:
ՀՀ Ֆինանսների նախարարության
“Արտասահմանյան ֆինանսական ծրագրերի կառավարման կենտրոն” պետական հիմնարկի գործադիր տնօրեն` Է. Ավետյանին
Երևան 0010, Հանրապետության հրապարակ, Կառավարության տուն 1
Հեռախոս. (037410) 595-344, 595-343
Ֆաքս. (037410) 545-708
Էլ. փոստ. [email protected]
Վերադարձ
ԳՏԿ բիզնեսի զարգացման խորհրդատու 
