ՀԱՅՏԱՐԱՐՈՒԹՅՈՒՆ
Ինժեներական քաղաքի
Գլխավոր զարգացման պատասխանատու
(Chief Development Officer)
«Ձեռնարկությունների ինկուբատոր» հիմնադրամը փնտրում է Ինժեներական քաղաքի փորձառու և նախաձեռնող Գլխավոր Զարգացման Պատասխանատու՝ միանալու մեր թիմին և նպաստելու Հայաստանի բարձր տեխնոլոգիական ոլորտի զարգացմանը։
Աշխատանքի նկարագիր
Այս գործառույթը պահանջում է ռազմավարական մտածողություն, համագործակցության ամրապնդման հմտություններ և միջազգային գործընկերների հետ կապերի ստեղծում և/կամ խորացում։ Եթե Դուք ունեք փորձ ռազմավարական զարգացման, կառավարման և գործընկերային կապերի մեջ, ապա այս պաշտոնը Ձեզ համար է։
Ինժեներական քաղաքը պետություն - մասնավոր հատված գործընկերության հենքով ծրագիր է, որն իրականացվում է «Ձեռնարկությունների ինկուբատոր» հիմնադրամի, ՀՀ կառավարության, Համաշխարհային բանկի, ՀՀ բարձր տեխնոլոգիական արդյունաբերության նախարարության և մասնավոր հատվածի համագործակցությամբ և աջակցությամբ։
Ինժեներական քաղաք ծրագրի նպատակն է նպաստել Ինժեներական և Բարձր տեխնոլոգիաների ոլորտի հետագա զարգացմանը` խթանելով Հայաստանում տնտեսության մրցունակության և արտադրողականության բարձրացումը:
Պարտականությունների շրջանակը՝
- ԻՆժեներական քաղաքի ռազմավարական զարգացում և ընդլայնում․
- Աջակցել Ինժեներական քաղաքի աճն ապահովելու և նրա ազդեցությունը բարձրացնելու համար ռազմավարական ծրագրերի մշակմանն ու իրականացմանը
- Աջակցել Ինժեներական քաղաքի ծառայությունների հասանելիության ու պահանջարկի բարձրացմանը՝ ինչպես ՀՀ, այնպես էլ միջազգային շուկաների համար։
- Կապերի և գործընկերային համագործակցության կառավարում․
- Աշխատել ՀՀ պետական մարմինների, ինժեներական ընկերությունների, հետազոտական և ուսումնական հաստատությունների և ոլորտի մասնագետների հետ՝ ստեղծելու և ամրապնդելու գործընկերային ցանց (network)։
- Ինժեներական քաղաքի ենթակառուցվածքի զարգացում.
- Հետևել ընդհանուր ենթակառուցվածքների զարգացմանը, ներառյալ՝ լաբորատորիաների և համատեղ աշխատանքային տարածքների ապահովումը։
- Համագործակցել կրթական հաստատությունների հետ՝ ապահովելու մասնագիտական ծրագրերի շարունակական զարգացումը։
- Նորարարական և ինժեներական աքսելերացիոն ծրագրերի խթանում.
- Համակարգել Ինժեներական բիզնես աքսելերատորի աշխատանքները՝ աջակցելով սկսնակ բիզնեսներին և նպաստելով նորարարությանը։
- Խրախուսել գիտելիքների փոխանակումը և փոխադարձ համագործակցությունը՝ ապահովելով բիզնեսների համար անհրաժեշտ պայմաններն ու ռեսուրսները։
- Ինժեներական համայնքի և տաղանդի զարգացում․
- Նպաստել գործընկերության և նորարարության մթնոլորտի ձևավորմանը՝ աջակցելով ուսանողներին, հետազոտողներին և ինժեներներին։
- Աջակցել կրթական ծրագրերի զարգացմանը, որոնք կընդլայնեն մասնագիտական հմտությունները և կնպաստեն տեխնոլոգիական կրթության առաջընթացին։
Պահանջվող հմտություններն ու փորձառությունը՝
- Բարձրագույն կրթություն (նախընտրելի է կառավարման կամ տեխնոլոգիաների ոլորտում)։
- Առնվազն 2 տարվա փորձ ռազմավարական զարգացման և ծրագրերի կառավարման ոլորտում։
- Կառուցողական և կազմակերպչական հմտություններ, ինչպես նաև տեղական և միջազգային գործընկերների հետ արդյունավետ համագործակցելու կարողություն։
- Հայերենի և անգլերենի գերազանց տիրապետում, ռուսերենի գերազանց իմացությունը կդիտվի որպես առավելություն։
Եթե ցանկանում եք դառնալ մեր թիմի անդամ և Ձեր ներդրումը բերել Ինժեներական քաղաքի զարգացմանը, խնդրում ենք ուղարկել Ձեր ինքնակենսագրականը (CV) և ուղեկցող նամակը [email protected] էլ. հասցեին՝ վերնագրի դաշտում նշելով՝ "EC Chief Development Officer":
Հայտերի ընդուման վերջնաժամկետը՝ 15․01․2025թ․ (ներառյալ)։
Վերադարձ
ԻՔ Գլխավոր զարգացման պատասխանատու 
