ՀԱՅՏԱՐԱՐՈՒԹՅՈՒՆ
«Տվյալների գիտությունը բիզնեսում» մագիստրոսական կրթական ծրագիր
Երևանի պետական համալսարանը (ԵՊՀ) հայտարարում է 2024-2025թթ. ուսումնական տարվա ընդունելություն՝ տնտեսագիտության և կառավարման ֆակուլտետի «Տվյալների գիտությունը բիզնեսում» մագիստրոսական կրթական ծրագրի համար, որն իրականացվում է «Ձեռնարկությունների ինկուբատոր» հիմնադրամի (ՁԻՀ) և Ինովացիոն լուծումների և տեխնոլոգիաների կենտրոնի (ISTC) հետ համագործակցությամբ ու PMI Science գիտահետազոտական կենտրոն Հայաստանի աջակցությամբ։
«Տվյալների գիտությունը բիզնեսում» մագիստրոսական ծրագիրն ունի 4 անվճար տեղ, որին կարող են հավակնել 1-ին փուլի բոլոր դիմորդները՝ անկախ մոգ-ից, բուհ-ից և մասնագիտացումից։
Շուկայի պահանջներին համահունչ և միջազգային արդիական չափորոշիչներին համապատասխան մշակված այս ծրագիրը 2017 թվականից հաջողությամբ պատրաստում է տվյալագետներ, ովքեր տիրապում են տվյալների վերլուծության հիման վրա որոշումների կայացմանը, մեքենայական ուսուցման մեթոդներին, ինչպես նաև արհեստական բանականության վրա հիմնված լուծումների համակարգին և կարող են ձևակերպել խնդիրներ, մշակել այդ խնդիրների լուծման ալգորիթմներն ու գտնել այդ ալգորիթմների իրականացման ծրագրային լուծումները։
Այս նպատակներին հասնելուն մեծապես նպաստում է ծրագրի շրջանակում Երևանի պետական համալսարանի և ԱՄՆ Սան Խոսեի պետական համալսարանի, ինչպես նաև NVIDIA խորը ուսուցման ինստիտուտի միջև ՁԻՀ-ի և ISTC-ի ջանքերով ձևավորված ակտիվ համագործակցությունը։ Մասնավորապես՝ ԱՄՆ Սան Խոսեի պետական համալսարանի «Տվյալների վերլուծություն» մագիստրոսական ծրագրի և գործընկեր այլ կառույցների բարձրակարգ մասնագետների գործուն աջակցությամբ է մշակվել կրթական ծրագիրը, ինչն էապես բարձրացրել է ուսումնական ծրագրերի արդյունավետությունն ու հասցեականությունը:
Մագիստրոսական կրթական ծրագիրը բաց է բոլոր այն անձանց համար, ովքեր ցանկանում են դառնալ աշխարհում տեղի ունեցող տվյալների հեղափոխության մի մասնիկը` տվյալագիտության տեսական գիտելիքները փոխկապակցելով բիզնեսի պահանջներին՝ միաժամանակ գործնականում կիրառելով Python, R, Java, SQ ծրագրավորման լեզուները, ինչպես նաև տվյալագիտության, մեքենայական ուսուցման և արհեստական բանականության արդիական մեթոդները։
Դասավանդումն իրականացնում են կրթական ոլորտի, ՏՏ ընկերություններում աշխատող և հրավիրված լավագույն մասնագետները, ովքեր ուսանողներին են փոխանցում իրենց տեսական գիտելիքներն ու գործնական փորձը: Դասընթացների մի մասն իրականացվում է գործընկեր կազմակերպություններում՝ հնարավորություն ընձեռելով ուսանողներին լուծել կիրառական խնդիրներ և ծանոթանալ աշխատաշուկայի պահանջներին:
Դասերը կայանում են միայն երեկոյան ժամերին՝ 18։30-21։00, դա թույլ է տալիս աշխատող ուսանողներին սովորած գիտելիքները անմիջապես կիրառել իրենց աշխատանքի մեջ։
Լավագույն ուսանողները հնարավորություն ունեն արդեն 2-րդ կուրսից շարունակել ուսումը ԱՄՆ Սան Խոսեի պետական համալսարանում՝ ստանալով կրկնակի դիպլոմ և անցնելով պրակտիկա Սիլիկոնյան հովտի կազմակերպություններում։
Միևնույն ժամանակ, ծրագրի լավագույն ուսանողներն ունեն հնարավորություն օգտվելու PMI Science գիտահետազոտական կենտրոն Հայաստանի աջակցությամբ «Ձեռնարկությունների ինկուբատոր» հիմնադրամի (EIF) կողմից տրամադրվող ֆինանսավորումից։ Մագիստրոսական այս ծրագրի մեկնարկից ի վեր ֆինանսավորում է տրամադրվել 103 ուսանողների։
«Տվյալների գիտությունը բիզնեսում» կրթական ծրագրի շրջանավարտներն այսօր աշխատում են տեղեկատվական և բարձր տեխնոլոգիական ոլորտի առաջատար կազմակերպություններում՝ Picsart, SmartClickAI, WorldQuant, Krisp, Plat.ai, Service Titan, WebbFontaine, PMI Science, Cognaize, Synopsys Armenia, NVIDIA, DataMotus, Sololearn, DataArt, ինչպես նաև ՀՀ պետական և միջազգային կառույցներում։
Ծրագրի 2024-2025թթ. ուսումնական տարվա փաստաթղթերի ընդունելությունը կազմակերպվում է առցանց՝ admission.ysu.am հղումով, հետևյալ փուլերով՝
1-ին փուլի փաստաթղթերն ընդունվում են 2024թ-ի հունիսի 1-ից 28-ը՝ ժ․ 18:00-ն:
1-ին փուլի ընդունելության քննությունն անցկացվելու է ս.թ. հուլիսի 2-ին։
2-րդ փուլի փաստաթղթերն ընդունվում են 2024թ-ի հուլիսի 8-ից օգոստոսի 16-ը՝ ժ․ 18:00-ն։
2-րդ փուլի ընդունելության քննությունն անցկացվելու է ս.թ. օգոստոսի 22-ին:
Ընդունելության մանրամասներն՝ այստեղ։
Անհրաժեշտ փաստաթղթերի ցանկը՝ այստեղ։
Հարցաշարը և քննական թեստի օրինակը՝ այստեղ։
Հարցերի դեպքում՝
հեռ.՝ 041804461; 060 710 668
էլ.փոստ՝ [email protected]
կայքէջ՝ www.dsb.am
Վերադարձ
«Տվյալագիտությունը բիզնեսում» մագիստրոսական ծրագիր 2024-2025 
