Ընթացիկ Նորություններ

13.11.2013

Հայտարարություն

Էլ.հասարակության և մրցունակության համար նորարարության ծրագիր

No: 7963-AM

ՀՀ ֆինանսների նախարարության “Արտասահմանյան ֆինանսական ծրագրերի կառավարման կենտրոն” պետական հիմնարկը հայտնում է, որ Համաշխարհային բանկի “Էլ.հասարակության և մրցունակության համար նորարարության” վարկային ծրագրի շրջանակում “Նորարարական լուծումների և տեխնոլոգիաների կենտրոնի /CIST/ դասընթացների համակարգող” հանձնարարականի իրականացման համար խորհրդատու ընտրելու նպատակով հայտարարվում է անհատ խորհրդատուի ընտրության մրցույթ:

CIST /Center for Innovative Solutions and Technologies/ կենտրոնի դասընթացների համակարգողը կկառավարի աշխատուժի զարգացմանն ուղղված ծրագրերի իրականացումը, կպլանավորի, կիրականացնի և կգնահատի կենտրոնի կողմից իրականացվող դասընթացներն ու կրթական նախաձեռնությունները:

Խորհրդատուն պետք է իրականացնի հետևյալ առաջադրանքները`

• Երևանի խոշոր բուհերի հետ համատեղ պլանավորի և համակարգի Ակադեմիական Ծրագրի շրջանակում կազմակերպվող ուսումնական ծրագրերն ու դասընթացները,
• մշակի, իրականացնի և հետևի CIST  կենտրոնի դասընթացների/կարողությունների զարգացման տարեկան ծրագիրը,
• հավաքագրի ու վարձի երկարաժամկետ և կարճաժամկետ դասավանդող դասախոսներ CIST կենտրոնում կազմակերպվող դասընթացների անցկացման համար,
• հավաքագրի դասընթացների մասնակիցներին,
• տարածի տեղեկատվություն CIST կենտրոնի կարողությունների զարգացման/ուսումնական ծրագրերի մասին CIST կենտրոնի գործընկերների, այդ թվումª բուհերի, ՏՏ ընկերությունների, սկսնակ թիմերի և  հավանական այլ շահագրգիռ կողմերի շրջանում,
• հետևի դասախոսների աշխատանքին,
• մշակի դասընթացների գնահատման մեթոդաբանություն և կատարի գնահատում,
• աջակցի ուսումնական նյութերի պատրաստմանը,
• կատարի ուսումնական նյութերի թարգամություն հայերեն, անգլերեն և ռուսերեն լեզուներով ըստ անհրաժեշտության,
• ստանձնի  CIST կենտրոնի ղեկավարի և ՁԻՀ-ի կողմից հանձնարարվող այլ պարտականություններ ու պատասխանատվություններ:

Ծառայությունները նախատեսվում է իրականացնել 2014թ. հունվարից` մեկ տարվա ընթացքում հետագա երակարացման հնարավորությամբ:

Խորհրդատուն պետք է բավարարի հետևյալ որակավորման չափանիշներին և պետք է լինի/ունենա`

• Բարձրագույն կրթություն (նախընտրելի է ՏՏ-ին անռչվող և/կամ բիզնեսի կառավարման բնագավառում),
• Ծրագրերի կառավարման կամ կրթական/ուսումնական համակարգման առնվազն 3 տարվա աշխատանքային փորձ,
• Ծանոթություն Հայաստանի ՏՀՏ ոլորտի և ոլորտի զարգացման տեղական ու համաշխարհային ներկայիս միտումներին,
• IBM տեխնոլոգիաների իմացություն,
• Վերլուծական, կառավարման և բանակցային գերազանց հմտություններ,
• Թիմային աշխատանքում ներգրավվելու կարողություն,
• Հաղորդակցման և ներկայացման գերազանց հմտություններ,
• Հայերեն, անգլերեն և ռուսերեն գրավոր և բանավոր խոսքի գերազանց իմացություն,
• MS Office (Excel, Word, PowerPoint, Outlook) ծրագրի խորը իմացություն:

Վերը շարադրված պահանջներին համապատասխանող անհատ խորհրդատուները կարող են մինչև սույն թվականի  նոյեմբերի 27-ը ներկայացնել հետաքրքրվածության գրություն և կենսագրական թերթիկ ստորև նշված հասցեով:

Հետաքրքրվածության հայտերը կարող են ներկայացվել նաև էլեկտրոնային փոստով:

ՀՀ Ֆինանսների նախարարության

“Արտասահմանյան ֆինանսական ծրագրերի կառավարման կենտրոն”

պետական հիմնարկի գործադիր տնօրեն` Է. Ավետյանին

Երևան 0010, Հանրապետության հրապարակ, Կառավարության տուն 1

Հեռախոս. (037410) 595-344, 595-343

Ֆաքս. (037410)  545-708

Էլ. փոստ. [email protected]