20.04.2015
Հայտարարվում է խորհրդատվական ընկերությունների ընտրության մրցույթ
ՀՀ ֆինանսների նախարարության «Արտասահմանյան ֆինանսական ծրագրերի կառավարման կենտրոն» պետական հիմնարկը հայտնում է, որ Համաշխարհային բանկի «Էլ. հասարակության և մրցունակության համար նորարարության» վարկային ծրագրի շրջանակում «Վանաձորի տեխնոլոգիական կենտրոնի /ք. Վանաձոր/ հիմնանորոգման աշխատանքների տեխնիկական հսկողություն» և «Նորարարարական լուծումների և տեխնոլոգիաների կենտրոնի /ք.Երևան/ հիմնանորոգման աշխատանքների տեխնիկական հսկողություն» իրականացնելու նպատակով հայտարարվում է խորհրդատվական ընկերությունների ընտրության մրցույթ: Ընտրված խորհրդատվական ընկերությունները պետք է իրականացնեն հիմնանորոգման աշխատանքների ընդհանուր հսկողությունը, ապահովեն աշխատանքների կատարման բարձր որակը և համապատասխանությունը աշխատանքների կատարման ժամանակացույցի, նախագծանախահաշվային փաստաթղթերի, կանոնակարգերի, շինարարության հետ կապված իրավահարաբերությունները կարգավորող ՀՀ օրենսդրության պահանջների և գործող շինարարական նորմերի հետ:
Խորհրդատուն պետք է իրականացնի հետևյալ առաջադրանքները`
- կազմակերպի պարբերական այցելություններ հիմնանորոգվող տարածք Պատվիրատուի հետ համաձայնեցրած ժամանակացույցին համաձայն,
- հետևի հիմնանորոգման աշխատանքների կատարման որակին, ինչպես նաև ստուգի դրանց կատարման համապատասխանությունը նախագծերի, շինարարական և անվտանգության նորմերի, չափորոշիչների ու տեխնիկական մասնագրերի հետ,
- ստուգի հավաստագրերի և հիմնանորոգման համար օգտագործված նյութերի որակը հաստատող լաբորատոր անալիզների ու ստուգումների արդյունքները: Կատարված աշխատանքների որակի անբավարարության դեպքում համապատասխան գրությամբ արգելի դրանց շահագործումը,
- ստուգի, արդյո՞ք հիմնանորոգվող տարածքում առկա են բոլոր անհրաժեշտ նշագրումները հիմնանորոգման աշխատանքների ողջ ընթացքում,
- ստուգի, արդյո՞ք ապահովված են աշխատողների առողջության և անվտանգության պահպանման կանոնները,
- ստուգի շինարարական աղբի հավաքման և շինհրապարակում պահուստավորման պայմանները,
- գրանցի բոլոր զննումների արդյունքները, դիտողությունները և հայտնաբերված թերությունները և առաջարկի այդ թերությունները շտկելու հնարավոր տարբերակներ,
- կազմի թերի աշխատանքների և էական խախտումների ցուցակ, նշելով դրանց վերացման ժամկետները և անհապաղ տեղեկացնի ՁԻՀ-ին,
- վարի հիմնանորոգման ընդհանուր աշխատանքների մատյան, կատարի ամենօրյա կանոնավոր գրանցումներ ավարտված աշխատանքների մասին,
- ստորագրի կատարողական ակտերը, որոնք կապալառուն ներկայացնում է վճարում ստանալու համար:Խորհրդատուն պատասխանատու է կատարողական ակտերով ավարտված աշխատանքների պիտանիության և որակի համար,
- ստորագրի աշխատանքների ավարտումը հաստատող միջանկյալ և վերջնական ակտեր,
- դադարեցնի աշխատանքները, եթե դրանք իրականացվում են հաստատված նախագծերի, տեխնիկական մասնագրերի, շինարարական նորմերի խախտումներով կամ անորակ նյութերի, կառուցվածքների և կոնստրուկցիաների օգտագործմամբ,
- կապալառուին հրահանգի առկա թերությունների և խախտումների շտկման վերաբերյալ և այլն:
Ծառայությունները նախատեսվում է իրականացնել 2015թ. հուլիսից մինչև շինարարության ավարտը:
Խորհրդատուն պետք է բավարարի հետևյալ որակավորման չափանիշներին, նա պետք է ունենա`
- Շինարարության վերահսկիչի առնվազն 5 տարվա աշխատանքային փորձ,
- ՀՀ Քաղաքաշինության նախարարության 2008թ. թիվ I - 3.01.01 «Շինարարության որակի տեխնիկական հսկողության իրականացման հրահանգի» իմացություն,
- Հայկական և/կամ օտարերկրյա ընկերությունների պատվերով իրականացված առնվազն 2 նմանատիպ վերահսկողական աշխատանքների փորձ,
- Հիմնանորոգման աշխատանքների տեխնիկական հսկողության արտոնագիր:
Վերը շարադրված պահանջներին համապատասխանող խորհրդատվական ընկերությունները կարող են մինչև սույն թվականի մայիսի 22-ը ներկայացնել հետաքրքրվածության հայտեր անհրաժեշտ տեղեկություններով (ընկերության վերաբերյալ համառոտ տեղեկատվություն` ընդհանուր աշխատանքային փորձի, այդ թվում վերջին տարիներին նմանատիպ հանձնարարականների իրականացման փորձի, վերը նշված պահանջներին բավարարող անձնակազմի առկայության վերաբերյալ, հիմնական աշխատակազմի կենսագրական թերթիկները և այլն) ստորև նշված հասցեով:
Ընկերությունները կարող են դիմել վերոնշյալ մեկ կամ երկու կենտրոնների համար:
Հետաքրքրվածության հայտերը կարող են ներկայացվել նաև էլեկտրոնային փոստով` պարտադիր նշումով, թե որ կենտրոնի վերահսկողության համար են դիմում:
ՀՀ Ֆինանսների նախարարության
«Արտասահմանյան ֆինանսական ծրագրերի կառավարման կենտրոն» պետական հիմնարկի գործադիր տնօրեն` Էդգար Ավետյանին
Երևան 0010, Տիգրան Մեծի պողոտա 4, 3-րդ հարկ
Հեռախոս՝ (037411) 910 581, 910 590
Էլ. փոստ՝ [email protected]
Վերադարձ
Հայտարարվում է խորհրդատվական ընկերությունների ընտրության մրցույթ 
