21.12.2012
Հայտարարություն
Էլ.հասարակության և մրցունակության համար նորարարության ծրագիր
No: 7963-AM
ՀՀ ֆինանսների նախարարության «Արտասահմանյան ֆինանսական ծրագրերի կառավարման կենտրոն» պետական հիմնարկը հայտնում է, որ Համաշխարհային բանկի «Էլ.հասարակության և մրցունակության համար նորարարության» վարկային ծրագրի շրջանակում Մոբայլ լուծումների տարածաշրջանային լաբորատորիայի (mLab) վերանորոգման Տեխնիկական վերահսկողության իրականացման նպատակով հայտարարվում է խորհրդատվական ընկերության ընտրության մրցույթ:
Խորհրդատուն պետք է իրականացնի հետևյալ առաջադրանքները`
- կազմակերպի պարբերական այցելություններ հիմնանորոգվող տարածք` Պատվիրատուի հետ համաձայնեցրած ժամանակացույցին համաձայն,
- կանոնավոր կերպով հետևի վերանորոգման աշխատանքների կատարման որակին, ինչպես նաև ստուգել դրանց կատարման համապատասխանությունը նախագծերի, շինարարական նորմերի, ստանդարտների և տեխնիկական մասնագրերի հետ,
- ստուգի հավաստագրերի, գրանցման փաստաթղթերի և վերանորոգման համար օգտագործված նյութերի որակը հաստատող լաբորատոր անալիզների ու ստուգումների արդյունքները,
- գրանցի բոլոր զննումների արդյունքները, դիտողությունները և հայտնաբերված թերությունները և առաջարկի այդ թերությունները շտկելու հնարավոր տարբերակներ,
- կազմի թերի աշխատանքների և էական խախտումների ցուցակ, նշի դրանց վերացման ժամկետները և անհապաղ տեղեկացնել ՁԻՀ-ին,
- վարի վերանորոգման ընդհանուր աշխատանքների մատյան, կատարի ամենօրյա կանոնավոր գրանցումներ ավարտված աշխատանքների մասին,
- ստորագրի կատարողական ակտերը, որոնք կապալառուն ներկայացնում է վճարում ստանալու համար,
- չընդունի հիմնանորոգման աշխատանքները, եթե դրանք կատարվել են հաստատված նախագծերի, տեխնիկական մասնագրերի, շինարարական նորմերի խախտումներով կամ անորակ նյութերի, կառուցվածքների եւ կոնստրուկցիաների օգտագործմամբ և այլն:
Ծառայությունները նախատեսվում է իրականացնել 2013թ. հունվար-ապրիլ ամիսների ընթացքում:
Խորհրդատվական ընկերությունը պետք է բավարարի հետևյալ որակավորման չափանիշներին, նա պետք է ունենա`
- շինարարական աշխատանքների վերահսկողության առնվազն 5 տարվա աշխատանքային փորձ,
- ՀՀ Քաղաքաշինության նախարարության 2008թ. թիվ I - 3.01.01, Շինարարության որակի տեխնիկական հսկողության իրականացման հրահանգի իմացություն,
- հայկական կամ օտարերկրյա ընկերությունների պատվերով իրականացված առնվազն 2 նմանատիպ վերահսկողական աշխատանքների փորձ,
- հիմնանորոգման աշխատանքների տեխնիկական հսկողության արտոնագրի առկայություն:
Վերը շարադրված պահանջներին համապատասխանող ընկերությունները կարող են մինչև սույն թվականի դեկտեմբերի 27-ը ներկայացնել հետաքրքրվածության հայտեր անհրաժեշտ տեղեկություններով (ընկերության վերաբերյալ համառոտ տեղեկատվություն` ընդհանուր աշխատանքային փորձի, այդ թվում վերջին տարիներին նմանատիպ հանձնարարականների իրականացման փորձի, վերընշված պահանջներին բավարարող անձնակազմի առկայության վերաբերյալ, հիմնական աշխատակազմի կենսագրական թերթիկները և այլն) ստորև նշված հասցեով:
Հետաքրքրվածության հայտերը կարող են ներկայացվել նաև էլեկտրոնային փոստով:
ՀՀ Ֆինանսների նախարարության
«Արտասահմանյան ֆինանսական ծրագրերի կառավարման կենտրոն»
պետական հիմնարկի գործադիր տնօրեն` Է. Ավետյանին
Երևան 0010, Հանրապետության հրապարակ, Կառավարության տուն 1
Հեռախոս. (037410) 595-344, 595-343
Ֆաքս. (037410) 545-708
Էլ. փոստ. [email protected]
Վերադարձ
Էլ.հասարակության և մրցունակության համար նորարարության ծրագիր 
